MPCC President chuan, India ram lo hruai tawhtu mi tha tak tak Congress party min pe a, kan ramah pawh ram hruaitu tha tak tak leh mi dik tak tak Congress kaltlangin min pe a, Pathian hnenah lawmthu  sawi kan ba hle a ni, a ti bawk.

"Congress party a kan awm pawh hi lawmna tur a ni. Chanchintha hril dodaltute thlawp tlattu party MNF leh ZPM te ang kan ni lo hi a lawmawm em em a ni."

"Congress party in kan ramah ro a rel loh chuan kan ram a ngaihtuahawm thin. Term kalta MNF sawrkarah khan Chief Minister leh vaipa in Airport ah contract an thawk dun a ni awm a, chu Chief Minister chu an hruaitu a la ni reng a, kan ram hruaitu a nih leh chuan kan ram a ngaihtuahawm hle dawn," Lal Thanzara chuan a ti.

"Tuna sawrkar lai ZPM hian inthlan hma khan, 'party pahnih sawrkarna lo chang tawh ten kum 30 chhung khan engmah an lo ti lo' tih kha auhlaah an hmang a. Thalai tam takin an awih a, an vote dual mai a nih kha. Tuna kan thlen chin an hria, thalai tam takin kan enchhin sualin an hria a, 'kan vote tawh dawnlo' an ti a ni. He mi te hian kan ram an hruai zel anih chuan kan ngaihtuahawm hle dawn," a ti bawk.